قعده غداء عاديه موجوده في كل بيوتنا الزوجه و الزوج و ولد و بنت في عمر الزهور
و عمر تعليم ادبيات الحياه المشتركه التي نفتقدها في حياتنا من ازمنه بعيده جدا
في اساسيات تربيتنا لافكار و سلوكيات اولادنا علشان لما يكبروا و يتجوزا
يكونوا فهمين يعني ايه حياه زوجيه مشتركه بين اتنين
الكل ياكل و يتكلم بحب و شراهه للطعام
الزوج : فين المخلل ؟
الزوجه : حاضر هاقوم اجيبه
الزوج : فين الملح و الفلفل ؟
الزوجه : حاضر هاقوم اجيبه
الزوج : مش ممكن كده مش لاقي أي حاجه انا عايزها فين بقي الكاتشب
الزوجه بزهق : اهو جانب ايدك الشمال بس انت مكسل تشوفه
الزوج : اه اهو ماشي
الابن : ماما انا عايز المعلقه بتاعتي
الزوجه : اقوم جيبها
الابن : اشمعني بابا لما طلب حاجه قمتي جيبتها اشمعني انا
الزوجه : مش عايزه اسمع صوتك عايز حاجه اقوم جيبها لنفسك اتعلم تعتمد علي نفسك
قام الابن و هو متذمر طبعا
انتهي الغداء و بيتلم الاكل و كالعاده الزوجه بتعمل كل حاجه لوحدها
الزوجه: شيل طبقك يا ولد زي اختك و اغسله كمان
الابن : اشمعني بابا مش بيعمل زينا
الزوجه: نفذ الكلام من غير مناقشه
الزوج و هو منجعص علي الكانبه المقابله للتلفزيون قعده الانتاخه بعد الاكل
و بسخريه لاذعه مغلفه باستهزاء
انا مش عارف تعب الولد كده ليه ما تسيبيه يقعد
الزوجه : بحاول اعلمه يعتمد علي نفسه و يفهم انه يساعد مادام في بيت اسره
الكل ياكل و يتكلم بحب و شراهه للطعام
الزوج : فين المخلل ؟
الزوجه : حاضر هاقوم اجيبه
الزوج : فين الملح و الفلفل ؟
الزوجه : حاضر هاقوم اجيبه
الزوج : مش ممكن كده مش لاقي أي حاجه انا عايزها فين بقي الكاتشب
الزوجه بزهق : اهو جانب ايدك الشمال بس انت مكسل تشوفه
الزوج : اه اهو ماشي
الابن : ماما انا عايز المعلقه بتاعتي
الزوجه : اقوم جيبها
الابن : اشمعني بابا لما طلب حاجه قمتي جيبتها اشمعني انا
الزوجه : مش عايزه اسمع صوتك عايز حاجه اقوم جيبها لنفسك اتعلم تعتمد علي نفسك
قام الابن و هو متذمر طبعا
انتهي الغداء و بيتلم الاكل و كالعاده الزوجه بتعمل كل حاجه لوحدها
الزوجه: شيل طبقك يا ولد زي اختك و اغسله كمان
الابن : اشمعني بابا مش بيعمل زينا
الزوجه: نفذ الكلام من غير مناقشه
الزوج و هو منجعص علي الكانبه المقابله للتلفزيون قعده الانتاخه بعد الاكل
و بسخريه لاذعه مغلفه باستهزاء
انا مش عارف تعب الولد كده ليه ما تسيبيه يقعد
الزوجه : بحاول اعلمه يعتمد علي نفسه و يفهم انه يساعد مادام في بيت اسره
عشان لما يكبر و يتجوز يفهم ان الحياه الزوجيه مشاركه في كل شيء
مش زي حضرتك الاي ربوك و ربوني
علي افكار متخلفه شوف الرجل الغربي بيعمل ايه مع مراته
قاطعها بنرفزه و زهق: خلاص خلاص انتي هاتديني محاضر في اصول العلاقه الزوجيه
قاطعها بنرفزه و زهق: خلاص خلاص انتي هاتديني محاضر في اصول العلاقه الزوجيه
علميه الاي انت عايزه اهو ابنك و انت حره فيه
و تركها و ادار وجهه لتلفزيون و استمر في حاله الانتاخه اليوميه العاديه
انتهي الولد مما طلبته منه امه فذهب الي ابيه و سأله
بابا حضرتك ليه مش بتعمل زينا و تساعدنا
الزوج : عشان يا حبيبي انا اتجوزت ماما و هي بتعمل عني كل حاجه
الولد : يعني يا بابا لما اكبر و اتجوز مش هاعمل حاجه و مراتي هي الاي هاتعملي حاجاتي زي ماما
الزواج : تمام
الولد : طب بقي يارب اكبر و اتجوز عشان ابطل اشيل طبقي و اغسله
الزوجه تشد شعرها من الغيظ و الفرسه من الاب و الابن و تصوت بالصوت الحياني
مفيش فايددددددده ه ه ه ه ه
و تركها و ادار وجهه لتلفزيون و استمر في حاله الانتاخه اليوميه العاديه
انتهي الولد مما طلبته منه امه فذهب الي ابيه و سأله
بابا حضرتك ليه مش بتعمل زينا و تساعدنا
الزوج : عشان يا حبيبي انا اتجوزت ماما و هي بتعمل عني كل حاجه
الولد : يعني يا بابا لما اكبر و اتجوز مش هاعمل حاجه و مراتي هي الاي هاتعملي حاجاتي زي ماما
الزواج : تمام
الولد : طب بقي يارب اكبر و اتجوز عشان ابطل اشيل طبقي و اغسله
الزوجه تشد شعرها من الغيظ و الفرسه من الاب و الابن و تصوت بالصوت الحياني
مفيش فايددددددده ه ه ه ه ه
87 comments:
فعلا مفيش فايدة
الى بنحاول نربى ولادنا علية يبوظة اقر الناس ليهم بكرة بقى لما الولد دة يكبر هتلاقية اول واحدة يشغلها تخدمة اختة والاب بكل حزم يوقلها اسمعى كلام اخوكى الولد
مفيش فايدة
خفة دم فعلاً خفه دم
ياأخواتي كتاكيته بُني ياناس
حنتوسو بنتوسو
حقيقي انا بشكر كسبان اللي هدانا لرابط مدونتك الظريفه
واللي حبه في فكرتك مدونتك
هى طريقة المعالجه
وطريقه المعالجه هي أهم من الموضوع ذاتع لان ممكن معالجه تنجح الموضوع وطلعه لفوق
ومعالجه تانيه تجيبه سابع أرض
سبينى اقرأ بقية المدونه بقى
على فكرة
في موضوع من المواضيع القريبه لمواضيع من ناحيه المعالجه اليكي موضوع رقصه التانجو لحبيبنا صاحب مدونة يامراكبي
http://yamarakby.blogspot.com/
وإليكي مدونة شاعر محترم من الطيور المهاجرة
مدونة النافذة
http://mosaiiic.blogspot.com/
ولو انى مش متعود على موضوع زى ده لكن يمكن ساعتها لما اتجوز اتقبله المهم يكون فى اتفاق من الاول
و بعدين هو فى بنات دلوقتى بتعمل حاجة اصلا ؟؟ كتير منهم ملهمش دعوة بالمطبخ اساسا!!!
تحياتى و مدونة ظريفة
كل كلامك مظبووط وبيحصل في معظم البيوت,وده كله ناتج عن العادات والتقاليد والدين منه برئ
مش عارف هل مساعدة الرجل لزوجته فيها نقص لرجولته!؟ لكن هتقولي ايه في التفكير الرجعي ده!!!!
عارفه لما الرجل يساعد مراته ده شئ بيسعدها كتير ويحسسها انه بيحترمها
انا بجد احييكي علي هذا البوست كل موضوعاتك هادفه
انا سعيد بجد بمعرفة مدونتك
تحياتي ليكي
معاكى حق والله يا دودو - كل الرجالة فى مصر متربيين على اسس غير صحيحة بالمرة وياريتهم رجالة
يلا هنقول ايه ولا ايه - نسكت احسن بدل منتضرب
سلاموز - -- هبة
ده حال مجتمعنا الشرقي المتخلف اللى بيخلى للرجل سياده مطلقه بس بهبل
يعنى كل الرجال فاهمين حكايه " الرجال قوامون على النساء" غلط
وللاسف بيربوا اولادهم على الانتخه وانه يكون بلط والبنت لازم هيه اللى تكون عليها اعباء كتير
امال فين المشاركه
على فكره مدونتك زي العسل بجد وانا هازورك كتير
تحياتى
ماشى كلام جميل
بس مش فى كل البيوت الكلام ده
ممكن تقولى الغالبية العظمى كده
ايويه عزيزتي
فعلا مافيش فايده لو فضل الرجل المصري زي ما هو و لا يتغير
-----------------------------------
شكرا حسن ارابيسك
-----------------------------------
محمد ياسر
حرام عليك امال الاي بيتجوز دول بيعملوا ايه في بيوتهم اتجوز بس انت وورينا هاتعمل ايه
==================================
واحد
اخيرا لقيت راجل ميايدني ربنا يكرمك يا شيخ
-----------------------------------
دودو
بعد كل ده و نضرب كمان هو ده الاي ناقص
----------------------------------
كلام مليان
عندك حق و الله و شكرا علي الثناء اخجلتني يا عزيزتي
-----------------------------------
ياسر سليم
ماشي يا سيدي 99%فقط حلو كده
موضوع جميل بجد
في الحقيقة أنا لسة لحد دلوقت ما جربتش موضوع قعدة الأنتخة ده لأني بأروح البيت متأخر ويادوب بألحق أسلم عالأولاد وأنام .. وعلشان كده مش بأساعد مراتي كتير في البيت
لكن طبعا المبدأ العام هو إن الزوجة مش خدامة .. ومش لازم أبدا نربي أولادنا الذكور والإناث على كده أبدا .. واللي ما أرضاهوش لأختي أو بنتي لازم ما ارضاهوش على مراتي كمان
تحياتي ليكي على المدونة الجميلة دي
كلامك جميل وبيحصل واهم حاجه
ان دمك خفيف جدا
بس اليومين دول انا شايفه رجاله
كتير بمريله المطبخ وفى تعاون و تحسن والحمدلله
وفى مثل شعبى بيقول
ابنك على ماتربيه وجوزك على ماتعوديه
شفت رجاله كانت متدلعه فى بيت اهلها
وحاليا بتمسح البلاط
البوست ظريف ومدونتك جميله
تحياتى وسلامى
السلام عليكم
يعني اختزلتي العلاقة اللي بينهم في الانتخه بعد الاكل
وعموما دا ممكن يكون اسلوب فردي
وممكن يكون علشان هوه بيشتغل وراجع تعبان
علي هذا الاساس يعني
لكي كل التحيه على ما تقلتيه من صوره مكرره في كل بيت في مصر
حتى بيتي
بس احيانا والله لما تكون الغزاله رايقه بساعد زوجتي
عموما اتمنى ان الافكار دي تتغير
اسف للتاخير في الرد
رايك حلو زيك يا مراكبي
-----------------------------------
كلمات
كويس و الله يا كلمات انا لسه ماشفتش الرجاله دول يعني لسه في امل كويس و الله
-----------------------------------
مهند
لا طبعا بس هو ده فعلا الاي بيحصل و ده صوره مصغره لاغلبيه الاعباء المنزليه الاي بتشيلها الزوجه و لو اتكلمنا عن كل حاجه مش هانخلص و معلش ده مش سلوك فردي ده اغلبيه و عام و بيتعلم لاطفال الذكور كمان
-----------------------------------
اسكندرني اوي
اعطني امل و الله و ياسيدي رد في اي وقت المدونه بتاعتك
غريبه المدونه دى و الله
هههههههههههه
الظاهر والله أعلم الحوار ده مكانش تخيلي ولا حاجة
لكن حضرتك لازم تعرفي أن الراجل الحق لازم يقدر زوجته ويحسسها بأن مجهودها ده له قيمه
ومش لازم ده يكون عن طريق غسل الصحون
يعني علي سبيل المثال لو أنا مكان هذا الرجل بصراحة عمري محغسل الصحون بس حقول لأبني أن خادم القوم سيدهم وأن مامتك باللي هي بتعمله لينا هي ستنا وتاج راسنا من فوق
يعني من الأخر شوية كلام حلو ولكن متقدريش تنكري الستات بيحبوا الكلام الحلو
لكن لا شغل ولا كلام حلو أظن تبقي بايخة
تحياتي ليكي وربنا يعينك علي الصحون ومتنسيش الحلل
عندى تاج تعالو جاوبو عليه - يلا بسرعة قبل مأى حد يسبقكم
مستنياكم
هبة
مفيش جديد
ههههههههههه
صحيح مافيش فايدة
بس انا بشوف ناس متعاونة برده وبتساعد متطلبات الحياة دلوقتى بتفرض كدة زمن الانتخة ولى
The purchase of weapons for Mubarak to the Bush terrorist will be for making peace, or will be for taking the American terrorism for the Egipto?
The great people of the Egipto that is intent.
Of these two cannot come nothing of good.
David Santos (Portuguese)
مدونة لذيذة وسعدة بزيارتاها وبالتوفيق ان شاء الله
ما الغريب الا الشيطان يا اخ ابو المفراح
----------------------------------
سكتم
بتقول درر يا اخي ربنا يكرمك
----------------------------------
اميره ويلز
بجد نفسي اشوف الناس ده الاي بتكلمي عنهم
--------------------------------
ترو لف
منورني و شكرا علي الزياره
السلام عليكم
طب والله كويس
ان الام طلبت من
الابن انه يقوم
يغسل طبقه
عااااااااا
يابنتى
احنا في زمن دلوقتى
ان البنت الكبيرة هى اللي
تساعد في البيت والصغيرة حبيبة بابا
ماتتعبوهاش
بحجة انها كده كده حتكبر وتساعد
- هى مش صغيرة اوى يعنى-
يالا ماعلينا
بوست حلو يا بنت
سلاماتى
هما الرجاله كده
لابيرحمونا شويه
ولا عايزنا نعلم اولادنا الاعتماد على انفسهم
عايزنا نروح ونيجى لغايه لما نقع قدامهم من التعب علشان يرتاحوا
مدونتك عسل
وباين علينا هنقى صحاب
الللللله المدونه جميله
الواحد ابل ما يتجوز في ميت حاجه يهتم بيها ابل الشكل والشقه والبتاع
تحياتي
شكرا على الزياره والتعليق اللى على الماشى بس اقرايت ليكى وماكسلتش وماخليتش حد يقرالى انا باعتمد على نفسى اهه وهاسمع كلامك وساعد مراتى بعد كده عشان الاجيال
:D
جميله فكرة المدونه جدا
يارب ينصلح حال كل الرجاله المأنتخين يارب
دمك خفيف
طريقتك جميلة في التعبير
تحياتي
الولد : يعني يا بابا لما اكبر و اتجوز مش هاعمل حاجه و مراتي هي الاي هاتعملي حاجاتي زي ماما
الزواج : تمام
الولد : طب بقي يارب اكبر و اتجوز عشان ابطل اشيل طبقي و اغسله
هو دة عين العقل هههههه
انا بهرج
عارفة التربية فى الصغر زى النقش على الحجر صعب اللى الواحد اتعلمة وهو صغير يتغير ولما يكبر
وانا شايف لاعيب ولاخرام ان الزوج يساعد زوجتة
ربنا يوفقك
تحياتى
بجد سعيدة اوووى
انى قريت الكلام ده
من شدة واقعيته
تعرفى أنا كنت متعقدة
بنسبة 80%
الحمد لله دلوقتى
بقو 100 %
ههههههههههه
للأسف بقت هى دى الحقيقة
تحياتى ليكى يا قمر
والله انا ابني اكسل واحد في الدنيا برضه عايز زوجه تعمل له كل حاجه رغم بصراحه ابوة موش كده خالص
يارب غيابك عنا يكون خير ان شاء الله
طمنينا
رائع
كـل عـام وانـتم بخــير
عيد اضحى مبارك
اعاده الله عليكم بالخير واليمن والبركـات
تحياتى
حقيقي بوست جميل
دي مشكلة كل بيت عربي
و حقيقي
ما فيش فايدة
طببببعاً ما فيش فايده
أحنا بنحلم يا بنتى
لازم ثقافه المجتمع تتغير كلها وتبقى كتله واحده لتغير أيجابى شامل
بصى الاهم من انك تفهم انك تسال مجرب لان الحياة الزوجية مش سهلة والاهم من انك تسال حد تسال نفسك الاول يا ترى انا قادر فى الوقت الحالى انى اتحمل المسئولية دى يا ترى انا اختارت الاختيار الصح ياترى انا فعلا مستعد اعيش مع الشخص دى حياتى اللى جاية واكون اسرة واجيب اطفال من الشخص دة ولا لا
ميرسى اوى على البلوج دة جميل اوى وفكرة جديدة وفعلا دمك خفيف اوى ربنا يوافقك
موضوع هايل وتمنياتى بالتوفيق
ممكن استغل المساحه للاعلان عن موضوع غايه ف الاهميه
ادعوكم لزيارة مدونة
السيد شبل ... بلا اسم
www.bela-esm.blogspot.com
للتعرف على اهم مبادره للتقريب بين الاخوان والناصريين وايضاح صوره كامله حول الاشتراكيه الاسلاميه
لكم خالص تحياتى وتمنياتى بالتوفيق
السيد شبل
شكرا علي كل الاي جيه و قال كلمه حلوه هنا
معلشي اتشغلت عن مدونتي التانيه بس اكيد هارجع تاني
شكرا لكم جميعا تحياتي
فى حل اريح هى الواحدة تتجوز وتجرب لو طلع حظها عسل يبقى خلاص ولو طلع عدس يبقى على الاكياس النايلون عدل
انت مدعو للكتابة في مدونة كل العرب
مشروع الجريدة العربية الموحدة
تكمن فكرة هذه المدونة لجمع اكبر قدر من المدونين العرب واقدرهم وافصلهم لكي يكتبو في مكان واحد
ذلك للحصول في النهاية على مدونة اشبه بالجريدة العربية تناقش القضا ياالعربية وخلافات العرب حيث ان كل الطوائف والبلاد مدعوة للكتابة
وقد تكون نقطة انطلاق للتفاهم والنقاش حول القضايا العربية المختلفة وتقابل وجهات النظر
للمشاركة ارسل ايميلك (بريدك الالكتروني) في تعليق على هذا المقال وسوف تتلقى دعوة للكتابة في هذه المدونة
مزايا الكتابة هنا :
للكاتب :
1- عدد اكبر من القراء
2- تحسين نتايج البحث لعناوين المقالات
3- انت كاتب وفي نفس الوقت قارئ تقرأ ما يكتبه كبار المدونين العرب
4- شهرة اكبر .. ودائما اقول ان في الاتحاد قوة وهذا هو اتحاد المدونين العرب
للقارئ :
1- القراءة للمدونين الكبار تحت صفحة واحدة
2- تجميع المدونات وجعلها مث ل جريدة الكترونية
3- سهولة الوصول للمقالات المرادة
شروط الكتابة (لن يتم التعديل لو مسح اي مقال ):
1- عدم الاساءة للاديان السماوية
2- عدم نشر مقال من اجل ربح المال او التنفع المادي ولكن الشروحات مقبولة ومرحب بها
3- عدم كتابة كلام خارج او الفاظ اباحية
4- الكتابة باللغة العربية
الفكرة تتلخص في ان كل مدون له حق الكتابة فقط بارسال ايميله في تعليق على هذه المدونة
اذا كانت لك مدونتك الخاصة فلا مانع من نسخ مقالاتك الهامة والتي تراها ترقى كي تكون في الجريدة العربية الالكترونية او مدونة كل العرب
وانا شخصيا ساكتب في مواضيع مختلفة وساهتم بتحقيق افضل نتائج للبحث والحصول على اكبر قدر من الزوار حتى تصل مقالاتك لاكبر عدد من القراء
كما ان تجمع المدونين سيجيئ بقراء اكثر وهكذا
برجاء ارسل لنا بريدك الالكتروني كي تستطيع الكتابة في هذه المدونة
ادعو الله ان تكون هذه المدونة ملفتة لنظر القراء ومحط انظار الراي العام العربي
مشروع الجريدة العربية الموحدة
والله ولي التوفيق
طبيعى تكون فكره الزوج لانه حتى لو متكلمش مع الولد بيعلمه من خلال المشاهده يتصرف ازاى
حلوه اوى مدونتك وجميله ياريت ترديلى الزيارة فى مدونتى
ههههههه
اه والله ما في فايدة
كلهم هيك
الله يعينا عليهم :D
بوست خفيف دم
دمت جميله
روري
بصي انا عايز اقولك حاجة طبعا الست مش خدامة ولا حاجة بس تقدري تقولي دي طبيعة بشرية في الرجل انه متعود ان الست تخدمه ومش صح ان الرجل الغربي مختلف لاء هو كمان الست هي اللي بتخدمه طبعا بالعكس دي هي بتتعب اكتر من الست الشرقية علي الأقل في ستتات شرقيين بيقعدوا في البيت لكن هناك لاء هي تشتغل وتصرف علي نفسها وتخدم في البيت صدقيني الحال عندنا احسن بكتير
الراجل من دول عاوز خدامة وغسالة وواحدة تستحمل كلامة وشتيمته احيانا وكله قدام اولاده وبعدين يتسائل هو الولاد مالها كدة ماعرفتيش تربيها بالرغم من انه هو سبب التربية دي
بوست حلو بجد
دمه خفيف ولذيذ
وفى كتير من واقعنا التربوى
كل الاحترام لك
وبالتوفيق
ريحانة مصر
نهر الحب
كون أن احنا فى مجتمع شرقى
ده مش معناه ان المجتمع متخلف
احنا اللى اتعودنا على كده للأسف
لكن اذا قرانا فى أصول التربية فى الدين الاسلامى
سنجد فرق كبير جدا
بين مايحدث الآن
و ما كان
فمثلا كان رسول الله صلى الله علية و سلم
يساعد اهل بيته
و يخيط ثيابه
وورد كل هذا فى كتب السيرة
صلى الله عليه و سلم
و هدانا لهديه
والله بجد البوست رائع
ولانى داخل على جواز ان شاء الله
ناوى اخد بالى من الموضوع دة اوى علشان انا بحب اى هتجوزة ولانى بحبه عوز متعبهاش
تحياتى
احمد الجيزاوى
لازم كل الزوجاات تعمل اضرااااااااااب
على الازوااج فى كل العالم خليهم.
يتراجعوا هههههههه
واللى لسه ما اتجوزتش تمنع الموافقة عن الجواز لحين صدور
قانون ينظم العلاقة الزوجية بين الازواج
بوست هايل
هنونه
طبعا الحكاية بتاعة الفلفل والملح والكاتشب ده كماليات المفروض حتى تكون موجوده قبل ما الاكل يكون موجود مكنتش موجوده اللي عاوز حاجة يقوم يجبها لو الزوج خلى زوجته هيا اللي تجيب الحاجات ده هو حر عارفة ليه
لان انتم في اخر الشهر مبترحموش عاوزين فلوس فلوس وكان الرجاله ده بنوك يعني يكون طافح الدم بره وهيطفح الدم في البيت وانتم تانتخوا بالمصري بالعامية تكبروا دمغكم
حسبي الله ونعم الوكيل يعني هما عاوزين الحرية بمعني اشتغل يابن التيييييييييييتتت
بره البيت علشان الفلوس وجوه البيت علشان مراتك انا مبقلش منسعدش لا نساعد بس المساعدة ده كرم مننا لان احنا بنشتغل بره
بعيد عن ده كله دمك خفيف وبعدين يعني ايه اوع تتجوز غير لما تفهم
مهي مصلحه لينا الرجاله
هههههههههههههه
اسف على الاطالة
تحياتي
التوافق الفكرى بين الزوجين مهم جدا فى تربية الاولاد
ولازم يبقوا متفقين هيربوا اولادهم ازاى يعاقبوهم على ايه وازاى ؟
ويكافئوهم على ايه وازاى ؟
بس المشكلة الكبيرة جدااااااااااااااا
ان الراجل بيحب يكبر دماغه أووووووووووووووووى
ومش بيهمه غير راحته على حساب اى حاجة تانية واى حد تانى
بجد الرجالة لازم يتغيروا شوية كتيرررررررررر
ولازم يبقى فيه دورات تدريبية اجبارية قبل الزواج .. وبعد الحمل
بس تعرفى
ساعتها برضه الرجالة هيبعتوا حد يمضيلهم حضور وهيريحوا دماغهم برضه
أو هيسمعوا من ناحية ويخرجوا من التانية
والله الستات دى غلبانة مع الرجالة اللى زى دى
مفيش فايده منهم
دمتى بخير يا قمر
فكرتك حلوة اوى
تسلمى عليها
سالى
عارفه اكتر حاجه بتضايقنى وبتبقى غلط فىالتربيه كلمه اشمعنى يااااااااا ببقى هموت لما بسمع حد بيقولها
ماما ربنا يخليها قصت الكلمه دى من لسانا
بس بجد انتى سكر خالص والله
علي فكرة انا من يوم ما خطبت وأنا بحاول اتعلم اساعد أمي تسألني ليه أقولك علشان لما اتجوز أعرف أساعد مراتي المشكلة أن أمي متغاظة مني لأني مساعدتهاش إلا بعد ما خطبت
لكن بصراحة أنا أبويا طوووووووووول عمره بيساعد أمي بحد مش بهزار
طبعا الصورة دى مرفوضة
لكن يوجد ستات اخر كسل
ومفيش معاها غير الدش والتليفون
فيجب على الراجل والست التعاون من اجل اصلاح حال البيت وحالهم والقفة ام ودنين يشيلوها اتنين
عندك حق والله الواحد كان قاعد فى بيتهم مرتاح قبل ما يجيب لنفسه الهم والغم....تحياتى لكى ولمدونتك بجد حلوة اوى
فعلا فى بيوت للأسف كتير كده
ربنا يستر
حلو البوست جدااااا
فى بيوت كتير بيحصل فيها اللى انتى كتبتيه. لكن ليه احنا ما بنخدش الرسول صلى الله عليه وسلم قدوه لنا فى كل حاجه....... بردوا لسه مفيش فايده....... تحياتى ليكى. مع خالص الشكر والجزر.... فى انتظار المزيد
هل تصدقينى لو قلت لك ليست كل الرجال نفس الشخصية كما هو الحال للسيدات. صوابعك مش زى بعضها. اتمنى لك التوفيق
انا سيبه البوست ده من سنه كامله وبالصدفه عديت قولت ايه الاخبار لقيت في ناس لسه بتعلق والله انا مبسوطه جدا بكل راي اتقال واهتم بالكلام ده برغم مرور وقت كتير عنه انا كده اتشجعت والله اني اكتب تاني في مدونتي التانيه والبركه فيكوا يا احلي اصدقاء في الدنيا
شكرا لكم ولرايكوا
تحياتي
بصراحة الله يكون فى عونك
بس أرجع وأقولك انك انت السبب فى دلع جوزك
فا أنتخة الازواج لا تأتى من فراغ
بل من شقاء وطيبة الزوجات واستسلامهم لاقدارهم
سؤال .. جربتى مرة متحضريش السفرة واللى عايز يأكل عنده المطبخ
ياريت اقدر اعرف الى أى مدى تقدرى تعملى كدة
عموما والله ده مش تحريض ولكن تعاطفا مع زوجة شقيانة واولاد عايزين 24 ساعة تربية ... وربنا معاك
على فكرة الشكل العام لمدونتك اكثر من رائع .. ايتها الزوجة والام والمحاسبة
رجل يشارك زوجته ويتحرك ويمارس المقوله القديمه " الحركه بركه "
هو الاكثرسعاده واسعادأ لمن حوله
ومن اراد ان يكون اولا فليكون اخرا
والسيد هو الخادم
والراعي هو من يرعي
وفي نهايه كلامي عملك المستمر ورعايتك لاسرتك وخدمتك لهم لا يزيدك الاقوه ووقار وتألق سيدتي المحبوبه
كل التحيه لعرض مشهد مكرر من وجه نظري صنعته المرأه لاننا نحن اساس الحياه والسلوكيات......
سأعود دائما لمدونتك وافكارك المستنيره
اميره جمال
بجد انتى انسانة عبقرية فعلا
و مش هاعبرلك عن اعجابى بأكتر من انى اقولك انى ضفت مدوناتك الاتنين لقائمة أفضل المدونات عندى فى مدونتى
مش مجاملة و الله
بس بجد لأنك عبقرية فعلا و أستاذة كل يوم باتعلم منك حاجة جديدة فى بسطاة الاسلوب و روعته
كرا لكل ما تفيدينا به من كتاباتك
والله كلامك جامد بس عشان يتحقق ده محتاجين إعادة تربية لأن طبيعة الراجل الشرقى إنه مش بيعمل حاجة فى البيت وهو اتربى على كده
على العموم هى محاولة ويارب تجيب نتيجة
تحياتى
sserهههههههههههههه
حوار فعلا موجود ومنتشر جدا
بس لو كل راجل يعرف ان من شرائع الاسلام ان الزوجه لا تطهى طعام زوجها ولا تنظف ثيابه وى تنظف المنزل وايضا لا تقوم بشؤن الاطفال
والرجل ملزم بتوفير من يقومون بهذه الاعمال
دى الشرع يا دنيا
لكن ادب وتربيه المراءه المسلمه ربنا يكرمها جعلها تقوم بنفسها بهذه الاعمال ولو ارادت لاخذت اجر ما تفعل لكنها تطوعت
ومع مرور الازمان تحول الامر الى حق مكتسب ونسوا انه تطوع وجدعنه منها
تحياتى
هو الراجل كدة طبعة انانى
بس انا نويت انى انتقم لكل بنات حوا ان شاءالله
وهامشي على مثل ابنك على ماتربية وجوزك على ماتعودية
ولو مش عاجبة وعمل باشا يكمل ويخلينى مرات الباشا
ويجيبلى فليبنية
عزيزتى ايناس
فعلا التعليم فى الصغر كالنقش على الحجر
لو يعلم الازواج سنه الحبيب عليه الصلاة والسلام
لكانوا قدوة لاولادهم وماتعبت الامهات
ماشاء الله عليكى
اسلوبك هايل
تقبلى تحياتى لشخصك الكريم
واتمنى دوام التواصل
مشعارف ليه كلنا بننتقد وضع طبيعي
ايناس ماما هي اللي كانت بتشي الاطباق
عموما انا لي رأي لو جات لح المطبخ والمشكل تتحل
انا موافق يكون المطبخ اختصاصي والغسيل كمان
بس المشاكل مش بتخلص
تحياتي
هو فعلا ما فيش فايدة علشان مافيش اسس
حلو اوى اوى البوست يا ايناس ايه يا بنتى خفة الدم دى
شفقة
مسخره بجد
حلو جدااا
انا مش اتربيت على كده و لا حتى شفته
بس بسمع
و اكيد غير مقبول
و اعتقد ان دلوقتى الوضع مش كده
لان مفيش بنت تقبل تبقى بتخدم بالصوره دى
موضوع جامد
تحياتى
سلامات
اللهم بلغنا رمضان و اعنا على صيامه و قيامه و اجعلنا من عتقائك من النار في هذا الشهر الفضيل
امين
أختكم
عبير عبد الشافي صاحبة مدونة طهقانة و كلبوزة لكن سمباتيك
nice to see your blog
hope you to visite oure site
http://www.fantastic-logos.com
and our blog
www.zizome3.blogspot.com
thanks
;كل عام وانت بخير
الزوج فاكر نفسه اتجوز خدامه
بجد ست البيت بتتعب اوى
ولو استمر الحال على كدة حتبقى الحياه صعبه اوى
المشاركه حلوة بردة
مفيش فايدة
الرجل المصرى
سى السيد
حزينه
قصة تحصل كل يوم و كل لحظة بمجتمعاتنا، أحييك على مدونتك الروعة فعلاً
çok güzel site. :)
فعلا مفيش فايدة
محدش عاوز يعمل حاجة بنفسه كله بيعتمد على غيره فى كل صغيرة وكبية
ولا الراجل مريح زوجته ولا البنت مريحة امها ومفيش مفهوم بان الحياة مشاركة
وبجد تدوينة دمها خفيف
جزاكى الله خيرا ا/ايناس
دمتى بخير
هههههههههههههههههه
فعلا مفيش فايدة
لازم الأب يكون قدوة لأبنه
تحياتي
كلامك صح بس خدي من تجربتي
انا بساعد كتير بالبيت زي شيل الاطباق وغيره وفي النهاية صار واجب علي
لا مش واجب انو الرجل يساعد بالبيت بس شيء جميل الواحد يساعد مراته
بس هل تعتقدين انو لو الواحد
فضل يساعد هل مرته حتقدر هالشيء؟ ولا الواحد لازم يعمل مثل الزوج بالقصة؟
طبعا انا بطلة اساعد اولا
ثانيا انا مش متزوج
مدونة جميلة
ايه ده انتى حاطه كاميرا و بتتجسسى على بيتنا
هههههههههههههههههههههه
لا فعلا كل ده بيحصل عندنا كل يوم
مع شويه خناقات و ناس تقوم زعلانه و اقوم اصالح و اطبطب و مش حاطه زتون على السلاطه ليه و الملح ناقص ليه و الارز مش عارفه ماله
يظهر ان دى علامات خالده فى كل بيت مصرى
صحيح الكلام ده بيحصل فى كل البيوت تقريبا بس انا عايزة اقولك انى معالجة الام لابنها مش حلوة
يعنى الطبيعى انها تقعد مرة معاه وفى وقت يكون الولد مزاجه كويس و تفهمه ازاى البنى ادمين لازم يحبوا بعض ويساعدوا بعض ويبقوا حنينين على بعض وتعرفه ان سيدنا محمد عليه الصلاة والسلام كان بيساعد اهل بيته ,, يعنى اللى عايزة اقوله ان بالاقناع كله هيتظبط ومين عارف ممكن الولد الصغير ييجى عليه يوم يحرج ابوه ويخليه على الاقل يشيل طبقه
دمتى بخير
مدونة رائعه
بوست رائع
تقبل مروري
يشرفني مرورك
خالص تحياتي
مجرد موجة
لا لا مش هينفعش كده هتبوظي الافكار اللي في دماغي منذ الازل
انا عامل زي الواد ده
مستني اتجوووووز عشان ابطل اغسل لنفسي
وخاصة الاطباق
كلام جميل
الجواز صعب و من غير تفاهم معضل و في وجود خلافات بيكون جحيم
ردا على لاستاذ سكتم بكتم .. على راحتك يا استاذ اوهعى تساعد مراتك و اياك تغسل صحون ـ مش مفروض عليك لكن المفروض انك تشتري لها ديش وشر
و ريح دماغم و ريح ايدها
و من غير ما تقول لابنك حاجة هو هيشوف تعاملك اراقي مع والدته فهيحرتمك و هيحترم والدته و لما يتزوج ان شاء الله ، على طول حبحترم زوجته
لكن ما ينفعش تبقى زوج بق كبير و ساعة الجد كلميتن و بس ،
يا ربى على الدماغ
برضه مفيش فايدة
ده كأنها بتكلم نفسها
ربنا معاها
اسعدتنى زيارة مدونتك
Post a Comment